Órzalle aí
A ENCRUCILLADA ENTRE O MUNDO DA EDUCACIÓN NO TEMPO LIBRE E O PATRIMONIO MARÍTIMO FLUVIALSINGRADURAS DE VERÁN DA DXXS
Xa está aberto o prazo de inscrición nas 2 Singraduras en Embarcacións Tradicionais que organiza a DXXS da Xunta de Galicia, dentro das Actividades de Verán para persoas de 18-35 anos.
RUTA NORTE: 23-30 de Xullo. Sinas-O Grove-Pedras Negras-Ons-Portonovo.
RUTA SUR: 6-13 de Agosto. Bueu-Aldán-Cíes-Cangas-Moaña. Prezo: 160 € Máis información: http://www.xuventude.net
ACD DORNA EN VILAXOÁN
Comezou o traballo de posta a punto das embarcacións da ACD Dorna na nave de Vilaxoán
AGALCARI, a Asociación Galega de Carpintería de Ribeira ven de estrear páxina web. Noraboa a tódalas persoas que fixeron posible esta iniciativa e agardamos sexa o comezo dun proceso de activación dun Patrimonio Cultural sen o cal non se podería entender este curruncho do mundo chamado Galicia
XUNTANZA BLOGUEIRA
O 4 de outubro hai unha Xuntanza Blogueira coincidindo coa Regata do Marisco do Grove.
A SINGLADURA NO BLOG
No blog da Asociación Dorna temos a singladura feita no pasado verán, con relatos do que aconteceu día a día e moitas fotiñas.
CAMPO DE TRABALLO EN MOAÑA
Un ano máis en Moaña, coa colaboración da Asociación Sueste e dentro da Campaña de Verán da DXXS da Xunta de Galicia, vanse celebrar 2 Campos de Traballo sobre Embarcacións Tradicionais. Pouca información a maiores se pode dar pois a existente é a mesma do ano pasado, e seguramente algunha cousiña mudou.
Serán 2 quendas, a primeria quincena de agosto para persoas de 25-30 anos e a segunda para persoas de 18-24 anos. Custa 72 euros, aloxamento e manutención incluida.
FIN DE SEMANA NO NAUJA
Dentro das actividades da Campaña de Verán da DXXS da Xunta de Galicia, organízanse unhas fins de semana a bordo do Nauja, partindo do Grove.
A actividade costa 92 euros (todo incluido) e é para persoas de 18-35 anos, durantes as fins de semana de agosto e algunhas de xullo. Para máis información: www.xuventude.net
TRAVESÍA EN EMBARCACIÓNS TRADICIONAIS
Dentro das actividades da Campaña de verán da Dirección Xeral de Xuventude e Solidariedade, organízanse 2 quendas da Travesía en Embarcacións Tradicionais, unha do 23 ao 30 de xullo (rías de Arousa e Pontevedra) e outra do 6 ao 13 de agosto (rías de Pontevedra e Vigo).
Son actividades para persoas de entre 18 e 35 anos e custan 152 €. Máis información en www.xuventude.net
BAIXO AS ONDAS e DA AREA GORDA AO MAR MAIOR
A Dirección Xeral de Xuventude promove desde hai tres anos o programa Augamar. Para saber de qué vai, dialogamos co seu director xeral, Rubén Cela, e co presidente da Coordinadora de Estudos de Mamíferos Mariños, Alfredo López.
“Dous subprogramas
Baixo as ondas: de 18 a 30 anos, fin de semana no mar, no Nauja,
desde O Grove, pasan polas Ons, Sálvora… convivencia no mar.
Da area gorda ao mar maior: de 14 a 18, de luns a venres no albergue das Sinas,
en Vilanova de Arousa. grupos escolares
Diferentes colexios, integración, vivencia,
valorización do contorno mariño como recurso social, económico e cultural,
potenciamento do voluntariado
GRUMETES NO MUSEO DE PONTEVEDRA
O Museo de Pontevedra organiza a partir do 13 de marzo o obradoiro gratuito Para ser grumete. Impartido por José Manuel Castaño García, responsable do seu Gabinete Didáctico, está dirixido a persoas de calquera profesión ou nivel de estudos interesadas en realizar actividades relacionadas co mundo das descubertas e viaxes oceánicas (s.s. XV-XIX).
Como complemento da actividade realízase unha navegación nun barco da Asociación “Os Galos” de Bueu.